我老表唔留手，grandmaster，花名麻辣炒鸡，江湖人称九纹龙，绰号贫志耀文。
广州老城区新巴克12点之后佢话事，凭借住仗义疏财、忠肝义胆、义薄云天三样嘢，喺社会冇人敢对佢阿吱阿作。
佢由上海路打到上下九，再踩到去江南西，一路披荆斩棘，白叨仔入红叨仔出。
为嘅就系班跟住佢兄弟，可以坐喺星巴入边吹住冷气，蹭住免费Wifi，悭住流量嚟睇爱情武打片。
每年生日都会喺沙县小食摆一百围寿宴，张张台座无虚席，一时风头无量。
但佢好天真噉认为呢班跟住佢兄弟都系刎颈之交、肝胆相照，直到后嚟衙门五页口供，佢个名共出现九几次。
佢先知道：做兄弟在心中，有事电话打唔通；原来班契弟乜都得，就系呢样又唔得、嗰样又唔得。
正所谓军中十二卷，卷卷有爷名；寄落江湖内，便是搏命人。
所以话：朋友唔需要多，有用嘅一个就够喇。
|
